هل توقعت ان تشعر باحباط فى حياتك مثل ما تشعر به هذه الايام؟؟؟ : هل توقعت ان تشعر باحباط فى حياتك مثل ما تشعر به هذه الايام؟؟؟

غاوية مشاكل · 12-31-2004, 08:08 PM

[center]


	هل تخيلت ان يكون اهم الاخبار التى تتابعها هى كم قتيلا مات فى العراق وكم طفل فلسطينى قتل بنصف رصاصات خزنة الية فى جسده؟ وكم صورة جديدة لتعذيب العراقيين واغتصابهم وكم وصل هوان الشعوب العربية وعجزها الرهيب وهوان المسلمين لدرجة لا اعتقد ان هناك من رضى بها فى التاريخ البشرى كله الاحداث فى العالم تتطور بصورة غريبة جدا وكاننا فى لعبة فيديو جيم وكاننا موجودين لاجراء التجارب علينا من قبل العالم ووسط هذا كله تخيل وسط كل هذا .....كل هذا الهوان والذل والاحزان...نتقدم نعم نحن نتقدم....ولا شك فى هذا الحمد لله ...ليس كل شئ لدينا لا زال متخلفا وبدائيا الان هناك تطورات جميلة ومتميزة جدا جدا جدا فى قضية هل الحجاب فرض؟ ولا مش فرض؟ ولو فرض ...هل هو فرض اوى يعنى.....خالص مالص؟؟؟...ولا فرض حبة فوق وحبة تحت على راى سمسمار؟؟ ولو فرض.....طب ايه اللى فرضه بس؟ انتوا عايزين تحبكوها ليه؟ ما هى اليسا مش لابسة حجاب اهى وست زى الفل وما حدش بيجيب سيرتها الا بكل خير والتطور الثانى الهام للغاية هو انطلاق الاهلى كالصاروخ فى الدورى معلما الزمالك وغيره الادب والنصوص والبلاغة كمان واللى يقول غير كده –وهو مسلم عربى مصرى- يبقى ابن كذا وكذا ودين كذا على كذا اما التطور الثالث الذى ينتظره العالم العربى بكل اهتمام هو كليب نانسى الجديد وياي على نانسى دى كمان تخيل انك محاط بكل هذا فى يومك تخيل قدر معاناتنا اليومية مجرد نفتح التلفزيون بس نفتح بس ما عملناش حاجة تانى تلاقى امامك سيل من الدماء يكاد يصل الى صدرك يتدفق من الشاشة اثباتات فى جميع القنوات .....على انكم ايها العرب لا حرمات لديكم ولا وزن لدم ولا مقدسات ولا مساجد ولا نساء ولا اطفال ولا اى شئ فى اى شئ طبعا كل ما نطلع من قناة نقع فى دحديرة غيرها جميع قنواتنا الاخبارية لا يوجد بها اى امل تستطيع الحصول عليه فى انك انسان ممكن تفخر انك عربى ولو لمدة دقيقة واحدة حتى فى الفاصل مثلا !!!! تروح انت يا غلبان –وانا معاك طبعا- تقلب على قناة تانية او بمعنى اصح عايز تخلص من القرف اللى قدامك ده كله وفجاة من بين الدم والاشلاء والشهداء والقتلى والانفجارات تلاقى قدامك فيلم جنسى مدته 24 ساعة!!!! على هيئة مقاطع صغيرة اسمها فيديو كليب ويااااااااااااا سلاااااااااااااام... ايوه كده ! بدل القرف اللى الواحد عمال يشوفه من الصبح لا وايه....مش قناة ولا اتنين ولا تلاتة ولا عشرة بالكوم كاننا مهنتنا فى العالم العربى الغناء والرقص بس وتلاقى كمية من السفالة عمرها ما حصلت فى التاريخ زى ما حصلت عندنا تلاقى عدد القنوات الغنائية الجنسية عندنا اكتر من عدد اى قنوات فى العالم كله بكل اللغات ودى حقيقة عددية فعلا كان هناك سياسة منظمة بدقة لكى تكثر القنوات فى السنتين الاخيرتين بالذات عندما بدا استعمارنا مرة اخرى الموضوع مش صدفة فعلا وتجد مئات الشباب العربى –ثروتنا التى لايمتلكها احد مثلنا- تتدفق امواله فى رسائل قصيرة عبر القنوات كلها رسائل ظريفة ومهمة جدا من نوع : من كلب الليل الحزين لاى نجمة سهرانة جربانة: تريد ان نهوهو معا وجود كل التفاهات دى حوالينا مش صدفة ابدا وهو بقصد صرف انتباهنا عن اى شئ يجرى فى عالمنا عارف زى ما نكون ايه؟ زى ما يكون كل واحد فينا فى بيته 10 كلاب اسرائيكية بكامل اسلحتهم يفعلون ما بدا لهم فى غرف البيت وفى اهل البيت كلهم الا انت انت تركوك هنا ....فى الصالة .....وحدك....ورغم علمهم بانك مش سهل ابدا الا انهم يعرفون انك طالما امام التلفزيون لن تفعل شيئا ابدا لن تنقض عليهم مثلا او تزعق فيهم شوية تقولهم الصوت يا اخواننا شوية بس مش عارفين نطلع سوا على الروف او حتى تبص لهم بصة عتاب كده او على الاقل تدعى عليهم هما عارفين ان كل ما تفعله هو ان تكشر بس شوية وكمان قدام التلفزيون بس من غير ما تبصلهم خالص وهما لما يخلصوا اللى فى ايديهم حايجولك طبعا ليه بس الافكار السودة دى بس ما يمكن يزهقوا ويمشوا ياخى ! هوه ده حالنا للاسف ومع الاسف الشديد لكن فى حاجة مهمة جدا جدا جدا هل احباطنا اللى احنا ما لناش دخل فيه حرام ولا حلال؟ هل مجرد الشعور بالاحباط يعنى حرام ؟ ولا حلال علينا؟ لا حرام طبعا لانه عدم ثقة فى وعد الله ووعد الرسول لنا بالنصر المبين امال ايه المشكلة؟؟؟؟ المشكلة اننا مش متبعين الله والرسول صلى الله عليه وسلم عشان ينصرنا الله يقصد ناس تانية ناس مؤمنة هم الذين يستحقون النصر فقط عشان كده ربنا وعدهم ....وتخيل وعد مباشر من الله عز وجل تامل الوعد ده كده حرف حرف ويا ريت الشيطان ما يخليكش تقراها من غير ما تفكر فيها كويس بسم الله الرحمن الرحيم وَعَدَ اللَّهُ الَّذِينَ آمَنُوا مِنْكُمْ وَعَمِلُوا الصَّالِحَات لَيَسْتَخْلِفَنَّهُم فِي الأَرْضِ كَمَا اسْتَخْلَفَ الَّذِينَ مِنْ قَبْلِهِم وَلَيُمَكِّنَنَّ لَهُمْ دِينَهُمْ الَّذِي ارْتَضَى لَهُم وَلَيُبَدِّلَنَّهُمْ مِنْ بَعْدِ خَوْفِهِمْ أَمْناً يَعْبُدُونَنِي لا يُشْرِكُونَ بِي شَيْئاً وَمَنْ كَفَرَ بَعْدَ ذَلِكَ فَأُوْلَئِكَ هُمْ الْفَاسِقُونَ (55) النور وتخيل المصيبة ان فى ناس لسه بعد كل الاهوال اللى احنا بنشوفها دى مش بتصلى اساسا!!! يعنى عبادة الله مالك الملك الذى يرزقهم ليل نهار...مش فارقة كتير معاهم او مش قادرين يعبدوه تخيل ان فى ناس رغم انهم فى رمضان كانوا اتقى الناس لكن المصحف لا يفتح ولا يقرا ولا ذو اهمية فى حياتهم لان المصحف رمضان بس لكن انا بتكسف اقراه فى غير رمضان سبحان الله هل يعجبنا ديننا هذا ام اننا ناخذه صفة دون تطبيق؟؟ لازم نعدل فى طريقة نظرتنا لامور ديننا ودنيانا لازم نهتم قدر استطاعتنا باخواننا وديننا الذى يتعرض للاهانة اكثر من اى وقت مضى حتى ولو بالدعاء بالدعاء يا مسلمين انعجزحتى ان ندعو الله لينصرهم؟؟؟؟؟ الشيطان واولياؤه من الكفرة والمشركين واليهود يحاولون ايهامنا بان ما فيش فايدة لكن لا حرام اصلا قول ما فيش فايدة حتى مع كل ما نراه من تخاذل للمسلمين حتى مع كل هواننا على الناس حتى مع هزيمتنا يجب ان نحيا لان هناك وعد وعد من الله سبحانه وتعالى واذا احنا مش مصدقين تبقى مشكلة كبيرة جدا لان بسم الله الرحمن الرحيم يَا أَيُّهَا الَّذِينَ آمَنُواْ مَن يَرْتَدَّ مِنكُمْ عَن دِينِه ِ فَسَوْفَ يَأْتِي اللّهُ بِقَوْم ٍ يُحِبُّهُمْ وَيُحِبُّونَه ُ أَذِلَّةٍ عَلَى الْمُؤْمِنِينَ أَعِزَّةٍ عَلَى الْكَافِرِينَ يُجَاهِدُونَ فِي سَبِيلِ اللّه وَلاَ يَخَافُونَ لَوْمَةَ لآئِم ذَلِكَ فَضْلُ اللّهِ يُؤْتِيهِ مَن يَشَاء وَاللّهُ وَاسِعٌ عَلِيمٌ (54) المائدة يجب ان نعمل لنكون من هؤلاء الذين يحبهم الله ويحبونه كا واحد فينا عارف ازاى ربنا يحبه وازاى يحب ربنا تحب ربنا ويحبك ده مبنى على شرط واحد هو بسم الله الرحمن الرحيم قُلْ إِن كُنتُم تُحِبُّونَ اللّهَ فَاتَّبِعُونِي يُحْبِبْكُمُ اللّهُ وَيَغْفِرْ لَكُمْ ذُنُوبَكُمْ وَاللّهُ غَفُورٌ رَّحِيمٌ (31)آل عمران فقط نريد ان نتوب ويغفر لنا الله بسم الله الرحمن الرحيم قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّه إِنَّ اللَّهَ يَغْفِرُ الذُّنُوب جَمِيعًا إِنَّهُ هُوَ الْغَفُورُ الرَّحِيمُ (53) الزمر الله يريد ان يغفر لنا ويتوب علينا النهارده قبل بكره فهل هناك من يتوب اليوم؟

[/align]

عثمـــــان · 01-01-2005, 11:26 PM

اشكرك كثيرا
كلام يعبر عن واقع الحال
نعم

مشكورة جدا

غاوية مشاكل · 01-01-2005, 11:34 PM

اقتباس:

المشاركة الأصلية كتبت بواسطة othmah

اشكرك كثيرا
كلام يعبر عن واقع الحال
نعم

مشكورة جدا

[center]اشكرك اخى الغالى على
مرورك الكريم ولك تحياتى[/align]

دابيييل · 01-02-2005, 01:16 AM

يعطيك الف عافيه

مشكووور غاوية المشاكل

تحياتي لك

عبير الحب · 01-02-2005, 06:23 AM

مشكورة على الموضوع

ويعطيك العافية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)


\| دردشة كتابية \| اشهر موقعك \| احصائيات الموقع \| اسعار الاعلانات \| اتصل بنا	:: ©2007-2003 www.roro44.com All rights reserved ::

هل توقعت ان تشعر باحباط فى حياتك مثل ما تشعر به هذه الايام؟؟؟ : هل توقعت ان تشعر باحباط فى حياتك مثل ما تشعر به هذه الايام؟؟؟

المنتدى العام و النقاشات الجاده : المنتدى العام و النقاشات الجاده